Neni 16
1. Universiteti i Tiranës është institucion
buxhetor dhe financohet nga shteti.
2. Universiteti i Tiranës është person
juridik, buxheti i tij është zë më
vete në buxhetin për arsimin. Fakultetet,
kur plotësojnë standarte të caktuara
nga Ministria e Arsimit dhe Shkencës dhe Ministria
e Financave, kanë llogari më vete.
3. Ndarjen e buxhetit sipas zërave, nënzërave
e fakulteteve, me përjashtim të atyre që
janë ndarë nga ligji, e miraton Senatit;
4. Fondet për kërkimin shkencor jane zë
më vehte i buxhetit të Universitetit të
Tiranës dhe administrohen nga ai në formë
pagese për normën shkencore si dhe për
paisjen e laboratorëve e për shpenzime të
tjera të lidhura me veprimtarinë shkencore.
5. Universiteti i Tiranës ka të drejtë
të krijojë e të përdorë të
ardhura nga veprimtaritë kryesore e dytësore
e nga bashkëveprimi me të tretët, vendas
ose të huaj.
6. Të ardhurat e krijuara nga tarifat e shkollimit
ndahen nëpër fakultete, me vendim të
posaçëm të Senatit, në përputhje
me aktet ligjore e nënligjore; një pjesë
prej tyre i kalon Rektoratit për shpërblime
e shërbime të ndryshme.
7. Studentëve të Universitetit të Tiranës
u jepen bursa studimi sipas kritereve të përcaktuara
nga Këshilli i Ministrave.
8. Gjithëçka tjetër lidhur me veçoritë
e zbatimit të rregullave të kontabilitetit
e të administrimit të vlerave materiale
e monetare në Universitetin e Tiranës, përcaktohen
me rregullore të miratuar nga Rektori, duke ju
përmbajtur legjislacionit përkatës.
