Neni 8
Senati
1. Senati i Universitetit të Tiranës është
organ epror kolegjial, i zgjedhur i Universitetit.
Ai vendos për problemet më të rëndësishme
të institucionit në fushën e mësimit,
kërkimit shkencor dhe atë administrativ
e financiar.
2. Anëtarët e Senatit që përfaqësojnë
personelin mësimor shkencor duhet të kenë
titull shkencor dhe zgjidhen me shumicë votash
nga këshillat e fakulteteve. Anëtarët
e Senatit përfaqësues të administratës
dhe ata studentë, zgjidhen, përkatësisht,
nga administrata dhe studentët, me përfaqësi,
sipas një proçedure të përcaktuar
në Rregulloren e Zgjedhjeve. Anëtarët
e jashtëm propozohen nga institucionet përkatëse.
3. Senati përbëhet nga 35 anëtare si
më poshtë:
- Rektori i Universitetit, i cili është
dhe Kryetari i Senatit;
- Zëvendësrektori;
- 3 përfaqësues të personelit mësimor
shkencor të Fakultetit të Drejtësisë,
- 4 përfaqësues të personelit mësimor
shkencor të Fakultetit të Ekonomisë,
- 3 përfaqësues të personelit mësimor
shkencor të Fakultetit të Gjuhëve të
Huaja,
- 3 përfaqësues të personelit mësimor
shkencor të Fakultetit Histori - Filologji,
- 4 përfaqësues të personelit mësimor
shkencor të Fakultetit të Mjeksisë,
- 4 përfaqësues të personelit mësimor
shkencor të Fakultetit të Shkencave të
Natyrës,
- 2 përfaqësues të personelit mësimor
shkencor të Fakultetit të Shkencave Sociale,
- 3 përfaqësues të administratës
(njëri nga të cilët Kancelari i Universitetit),
- 3 përfaqësues të studentëve
universitarë (2) e pasuniversitarë (1),
- 2 anëtarë të jashtëm,
- 2 vende që lidhen me praninë në Senat
të Rektorit dhe Zëvendësrektorit që
nuk rizgjidhen në këto poste, për të
siguruar vazhdimësinë e drejtimit dhe që,
në varësi të rastit, plotësohen
eventualisht me një përfaqësues të
Ministrisë së Arsimit dhe të Shkencës
dhe përfaqësuesin e Departamentit të
Kulturës Fizike (përgjegjësi i tij).
Në numërin e përfaqësuesve të
çdo Fakulteti në Senat, përfshihet
dhe Dekani.
4. Mandati i Senatit është 3 vjeçar.
Mandati i anëtarit të Senatit merr fund:
- me mbarimin e afatit të mandatit;
- kur jep dorëheqjen,
- me largimin nga Universiteti i Tiranës;
- kur mungon pa arsye në 6 seanca mbledhjesh
të Senatit;
Në këtë rast bëhet zëvendësimi
i anëtarit të larguar me anë të
zgjedhjeve të reja, brenda dy javëve, në
njësinë që përfaqëson anëtari
i larguar
5. Senati mblidhet në seanca të zakonshme
të paktën dy herë në tri muaj.
Rendi i ditës propozohet nga Rektori dhe miratohet
në çdo rast nga Senati. Ai mund të
mblidhet edhe në seanca të jashtëzakonshme
me një rend të caktuar dite:
- me nismën e Rektorit,
- me kërkesë me shkrim nga 1/3 e antarëve.
6. Mbledhja e Senatit zhvillohet kur janë të
pranishëm më shumë se gjysma e antarëve
të Senatit; vendimet e tij merren me shumicën
e thjeshtë (mbi 50%) të antarëve të
Senatit.
7. Për marrjen e vendimeve, mirkuptimi dhe votimi
i hapur është proçedurë e zakonshme.
Mënyra e votimit të fshehtë është
e detyrueshme në rastin e votimeve nominale,
pro4edurave të klasifikimit të punonjësve
mësimorë shkencorë dhe sa herë
që kërkohet nga Kryetari ose vetë Senati.
Cdo antar e ushtron vetë të drejtën
e votës, pa patur të drejtë ta delegoje
atë.
8. Seancat e Senatit nuk janë publike, por në
to mund të ftohen persona të jashtëm
për mendime. Vendimet e Senatit janë të
detyrueshme për të gjitha instancat e Universitetit
të Tiranës.
9. Në mbledhjen e tij të parë Senati
zgjedh nënkryetarin e tij i cili zëvendëson
Kryetarin në rast mungese dhe miraton edhe Rregulloren
e tij të Brendëshme.
10. Senati ka këto kompetenca:
a) Zgjedh Rektorin e Universitetit të Tiranës;
b) Përcakton drejtimet e zhvillimit të Universitetit
dhe politikat e kërkimit shkencor të tij;
c) Miraton planet mësimore të specialiteteve
të Universitetit të Tiranës;
ç) I bën kërkesë Këshillit
të Akreditimit për vlerësimin e cilësisë
dhe akreditimin e kurseve të studimit, fakulteteve
apo vetë Universitetit;
d) I propozon Ministrisë së Arsimit dhe
të Shkencës hapjen dhe mbylljen e fakulteteve
dhe institucioneve të tjera të përfshira
në strukturën e Universitetit të Tiranës
si dhe hapjen e shkollave pasuniversitare;
e) I propozon Ministrisë së Arsimit dhe
të Shkencës normat vjetore të ngarkesës
mësimore shkencore për personelin mësimor
shkencor;
f) I propozon Ministrisë së Arsimit dhe
të Shkencës të gjitha llojet e kuotave
të pranimeve të studentëve në
Universitetin e Tiranës në sistemin me dhe
pa shkëputje nga puna si dhe tarifat e përgjithshme
e të veçanta të shkollimit për
çdo vit shkollor;
g) Nëpermjet Ministrisë së Arsimit
dhe të Shkencës, i propozon Qeverisë
projekt buxhetin për Universitetin e Tiranës
dhe, pas miratimit të tij, miraton ndarjen e
buxhetit;
h) Miraton Statutin e Universitetit të Tiranës
(dhe Rregulloren e Universitetit bashkëngjitur)
dhe ja përcjell Ministrit të Arsimit dhe
të Shkencës për miratim;
i) I bën propozime Komisionit të Kualifikimit
Shkencor për klasifikimin e personelit mësimor
shkencor, sipas vendimeve e rregullave në fuqi.
j) Ratifikon marrëveshjet e nënshkruara
nga Rektori në emër të Universitetit
të Tiranës për antarësimin e institucionit
në organizata kombëtare e ndërkombëtare
të Arsimit të Lartë, për bashkëpunim
me universitete e shkolla të tjera të larta
të vendit e të huaja, marrëveshje bashkëpunimi
me organizma joqeveritare, donatore vendas e të
huaj që mund të ndihmojnë në zhvillimin
e Universitetit si dhe çdo marrëveshje
që Rektori nënshkruan në emër
të Universitetit të Tiranës;
k) Në punën e tij krijon komisionet (të
përherëshme ose të përkohëshme)
për probleme që i quan të rëndësishme,
me antarë të Senatit e të ftuar, sipas
përcaktimeve në Rregulloren e tij.
