Neni 12
Fakultetet e Universitetit të Tiranës dhe
departamentet ndërfakultetore të tij janë
njësi mësimore shkencore të Shkollës
së Lartë që mbulojnë shkenca me
trung të përbashkët. Hapja e mbyllja
e tyre bëhet me vendim të Keshillit të
Ministrave.
Neni 13
Këshilli i Fakultetit
1. Këshilli i Fakultetit është organ
epror kolegjial, i zgjedhur i Fakultetit, i cili vendos
për problemet më të rëndësishme
të Fakultetit në fushën e mësimit,
kërkimit shkencor dhe atë administrative
e financiare.
2. Këshilli i Fakultetit përbëhet nga
përfaqësues të personelit mësimor
shkencor të Fakultetit, të punonjësve
mësimore, të administratës dhe të
studentëve. Përbërja e tij dhe mënyra
e zgjedhjes përcaktohen në Rregulloren e
Zgjedhjeve dhe dispozita të veçanta për
zgjedhjet në Universitetin e Tiranës.
3. Mandati i Këshillit të Fakultetit është
3 vjeçar; mandati i anëtarit të tij
merr fund sipas rasteve të parashikuara per mandatin
e anëtarit të Senatit në këtë
Statut. Mënyrat e mbledhjes, votimi e gjithçka
tjeter që ka të bëjë me to, vendosen
me Rregullore të Brendëshme të Këshillit
të Fakultetit.
4. Këshilli i Fakultetit drejtohet nga Dekani
dhe ka këto kompetenca:
a) Zgjedh Dekanin e Fakultetit;
b) Zgjedh perfaqësuesit e vet në Senat;
c) I propozon Senatit drejtimet e zhvillimit perspektiv
të Fakultetit;
ç) I propozon Rektorit vendosjen e lidhjeve
me shkolla të larta të vendit e të
huaja, anëtarësimin në shoqata kombëtare
e ndërkombëtare që shfaqin interes
për proçesin mësimor e shkencor;
d) I propozon Senatit hapjen e degëve e kurseve
të reja të studimit, departamenteve, njësive
të tjera në përbërje të Fakultetit,
hapjen e shkollave e kurseve pasuniversitare.
e) Shqyrton Rregulloren e Fakultetit dhe ja propozon
Rektorit për miratim.
f) Shqyrton planet mësimore dhe i propozon Senatit
ndryshimet në to.
g) Shqyrton propozimet e departamenteve për dhënien
e titujve shkencore personelit mësimor shkencor
dhe merr vendimet e rastit në përputhje
me rregullat.
Neni 14
Dekani i Fakultetit
1. Dekani ështe drejtues i Fakultetit dhe emërohet
në detyrë nga Rektori në bazë
të kandidaturës së zgjedhur nga Këshilli
i Fakultetit për një mandat 3 vjeçar,
por pa qëndruar në detyrë më shumë
se dy mandate rradhazi.
2. Dekani duhet të ketë titullin "Profesor".
3. Dekani i Fakultetit ka këto kompetenca:
a) Drejton të gjithë punën mësimore
e shkencore në Fakultet;
b) Organizon konkurset e pranimeve të studentëve
të rinj në Fakultet, kryeson komisionin
e pranimeve dhe shpall fituesit e këtyre konkurseve;
c) Miraton rregulloret e brendëshme të njësive
në përbërje të Fakultetit;
ç) Drejton shkollat e kurset pasuniversitare
të Fakultetit;
d) I propozon Rektorit kandidaturën për
Zëvendësdekan dhe atë për Kancelar
të Fakultetit;
e) Emëron përgjegjësit e zgjedhur të
departamenteve si dhe përgjegjësit e seksioneve
mbi bazën e propozimeve të përgjegjësave
të departamenteve;
f) Emëron personelin mësimor shkencor të
Fakultetit si dhe atë administrativ e teknik;
nënshkruan kontratën me personelin e jashtëm
mësimor shkencor;
g) Miraton anëtarët e kryetarët e komisioneve
të provimeve të pranimit, të provimeve
të formimit dhe të mbrojtjes së diplomave,
miraton tezat e provimeve të pranimit, të
provimeve të formimit dhe temat e projekt diplomave;
h) Vendos për përjashtimin nga Universiteti
i Tiranës të studentëve universitarë
apo pasuniversitarë për rastet e parashikuara
në Rregulloren e Fakultetit;
4. Kur me veprimet e tij, Përgjegjësi i
Departamentit shkel, në mënyrë të
përsëritur, aktet ligjore, nënligjore,
Statutin e rregulloret e Universitetit, ai thërret
zgjedhjet e parakohëshme të Përgjegjësit
të ri, pasi merr mendimin e Departamentit;
5. Përcaktimi i hollësishëm i detyrave
të Dekanit, i detyrave e kompetencave të
Zëvendësdekanit dhe të Kancelarit të
Fakultetit, bëhet në Rregulloren e Fakultetit.
Neni 15
1. Departamenti është njësia themelore
mësimore shkencore në Universitetin e Tiranës;
ai përbëhet nga seksione. Objekti i mësimdhënies
dhe kërkimit të Departamentit përfshin
disa disiplina të një shkence ndërsa
objekti i mësimdhënies e kërkimit të
Seksionit përfshin disiplina të afërta
të një shkence.
2. Departamentet me një personel mësimor
shkencor mbi dhjetë vetë, krijojne Këshillin
e Departamentit ku bëjnë pjesë Përgjegjësi
i Departamentit, përgjegjësit e seksioneve
dhe disa anëtarë të zgjedhur nga mbledhja
e përgjithëshme e Departamentit. Numëri
i anëtarëve të zgjedhur varet nga numëri
i studentëve dhe punonjësve mësimorë
shkencore;
3. Këshilli i Departamentit:
a) Shqyrton programet mësimore të përgatitura
nga çdo lektor e grup lektoresh anëtarë
të Departamentit;
Diskuton mbi planet mësimore të lëndëve
që mbulon si dhe për drejtimet e zhvillimeve
të Departamentit dhe i bën propozimet përkatëse
Këshillit të Fakultetit;
b) Diskuton mbi propozimet që paraqiten në
Departament për kriteret e konkurimit për
punonjës mësimore shkencorë të
brendshëm dhe i propozon Dekanit kriteret që
i gjykon më të përshtatshme;
c) Diskuton për aktivizimin e punonjësve
mësimorë shkencorë të jashtëm,
për lëndët që duhet të japin
dhe i propozon Dekanit lidhjen e kontrates me ta.
Kompetenca më të hollësishme trajtohen
në rregulloret e fakulteteve.
